Skíðaferð 29. febrúar. Ferðin í Bláfjöll tókst í alla staði mjög vel. Nemendur voru alveg til fyrirmyndar og frábært að sjá hversu margir foreldrar áttu kost á að fara með okkur (tæplega 20 foreldrar komu). Þátttaka foreldra stuðlar enn frekar að því að fleiri nemendur nái tökum á skíðaíþróttinni og það verður heimilslegri bragur á allri ferðinni. Þó svo að veðrið væri ekki það besta var hægt að kenna þeim sem helst þurftu á því að halda í barnabrekkunni.

Við prófuðum að taka með okkur útivistartjaldið og fengum heita matinn uppeftir og buðum þeim sem það vildu. Þetta var smá tilraun og tókst það mjög vel og stefnum við að því að bjóða upp á heitan mat á næsta ári.
En sem sagt, ... frábær ferð í alla staði ... svo er um að gera að halda sér við og skella sér á skíði á meðan veður og færi leyfir!
4.3.2008